Paul Pobga nuk është ende gati për Manchester United. Mesfushori  francez  pas dëmtimit të pësuar 20 ditë më  parë  kundër skuadrës angleze Everton,do t’i duhet të qëndroj edhe për disa javë të tjera  jashtë fushës së lojës.

Ky lajm është konfirmuar nga vetë  trajneri i Manchester United, Ole Gunnar Solskajer.

27-vjecari ka munguar në pesë ndeshjet e fundit të “Djajve  të Kuq” dhe gjithashtu nuk do të jetë i pranishëm  as në supersfidën ndaj Chelsea-it që do të luhet këtë fundjavë në Stamfortd Bridge.

Megjithatë  trajneri norvegjez mund të rikuperojë  Edinson Cavani, Scott Mc Tominay dhe Donny van de  Beek duke shpresuar që këta  tre  të fundit të jenë të gatshëm  për sfidën ndaj skuadrës së Thomas Tuchel.

Manchester United,mbrëmjen e të enjtes  siguroi  kalimin për  raundin e 1/8  të Europa League pasi eliminoi spanjollët e Real Sociedad, ndërsa në kampionat aktualisht pozicionohet në vendin e dytë me 10 pikë më pak se kryesuesit e Manchester CIty-t.

Në 5 javët e fundit të Premier League Djajtë e Kuq kanë grumbulluar 9 pikë, duke koleksionuar 2 fitore dhe 3 barazime përfshirë edhe atë sukses historik me shifrat 9-0 ndaj Southampton./arbresh.info/